ماله الريس ؟؟؟؟!!!!!!

من طرف Reemo السبت أبريل 21, 2007 5:01 am

قصيدة : للشاعر المطحون من الريس
.

أنا مبخافشى وحفضل أقول
كلمـة حــق عليها مسئـول
إن الريس راجــل طيــب
وبشعبه دايما مشغـــــول

مشغول انه يلم فلوسنا
بره سويسرا يحوشهالنا
وفحسابات سريه يشيلها
نفسه يأمن مستقبلنا

شفتوا ازاى بقى قلبه رحيم
عنده ايمان وضميره سليم
بيجوعكوا لجل تخسوا
آه يا شعب يا محتاج لرجيم

من جهلكوا بتقولوا بطاله
وان الاحوال مش شغّاله
دا الراجل نفسه يريحكم
هى الراحة تبقى عوالة ؟

أما حكاية المنتجعات
ليه تسموها المعتقلات ؟
ليه الظن وسوء النيّة
نفسه يفسحكوا يا بهوات

أما الكرسى واللى اتقال
دا كلام مش محتاج لسؤال
الغلطه دى غلطتنا يا عالم
إن مجبناش كرسى تيفال

والله انتم ظالمين الراجل
ضيّع عمره ومين يستاهل
حتى الاكل بياكله بدالنا
طالع واكل نازل واكل

بعد دا كلّه........ماله الريس؟؟؟؟؟؟؟؟؟؟؟