كلام فى الحب حلو اوى

من طرف loverghost الخميس مارس 01, 2007 2:46 am

معرفتش قبلك معنى الحب
مقابلتش قبلك قلب يحب
قلبي بإخلاص
ولقيتك قلب
غير كل قلوب الناس فِ زماني

*************
من غيرك إيه يكون معنى الوقت؟
أنا قبلك ولا دبت ولا عشقت
شُفْتك وفْ سحر عيونك تهت
ولقيتك ساكن جوّه كياني
*************
لو كان العمر بإيدي يعود
كنت أفرش كل سنيني ورود
وأعملّك منها أرقّ عقود
وفْ حضن حنانك أعيش من تاني
*************
حكايتنا فْ كلّ زمان هتكون
أجمل حدّوتة شافتها عيون
صبر العشاق ومراره يهون
من بَعد عذابي وطول حرماني
*************
بناديك يا حبيبي:أنا ليك مشتاق
أنا دُبت..أنا بتنفس أشواق
أنا قلبي خلاص مش حِمل فراق
مُش قادر أغيب عنّك لثواني
*************
لكن ده نصيبي أعيش مشغول
وعذابي وبعدك عنّي يطول
ولآخر لحظة فْ عمري هقول:
أنا مُش هنساك .. بسّ استنـّاني