حكاية قلب

من طرف Reemo الأربعاء يناير 17, 2007 4:33 pm

قلبي النونو لسه صغير

حب القطه وحب اللعبه

ويوم ورا يوم

دقه في دقه

قلبي خلاص كبر يا ناس

قلبي خلاص باه حساس

ايه ده يا قلبي........ ايه كده مالك

اهدي شويه ياريت تتمالك

قالي انا مالي عايز احب

لقيته خلاص اجمل قلب

هعوز ايه تاني م الدنيادي

وهو حياتي وهو امالي

ودقه في دقه قلبي اتغير

قلبي خلاص معدش صغير

حب الدنيا ..... حب الزهر

حب فراشه و حب البحر

وحب كمان اجمل قلب

شفت الدنيا غير الدنيا

لونها الابيض اصبح وردي

كنت بطير........ كنت بغني

لكن فجاه..........

في عز الفرح

دبل الورد

وهاج البحر

ومات القلب

ماهو مات الحب

اول مره عرفت الجرح

اول مره انزف دم

اول مره تبكي يا قلبي

شفت الدنيا غير الدنيا

جرح وغدر

الم مع دمع

بس خلاص طبب جرحك

مش هسمحلك

تتالم تاني

ويومها دفنته في سابع ارض

مش عايزاه

بجد تعبت

وبعد سنين

بعد الام وياها حنين

لقيته بيدق

تاني يا قلبي؟

ابدا ابدا

مش هسمحلك

دق بعنف

دق بعند

دق وقالي

مين سرقني

كنت في حالي وحد خطفني

المر ادي مش بمزاجي

دا غصب عني

حاولت اقاوم

واموت كل حواسي

لكن القلب التاني

اقتحمني احتلني

اسفه يا حبي لازم تمشي

خايفه اتالم..... خايفه تعلم

خايفه تاثر فيا بجرح

قلبي خلاص مش حمل الحزن

اد ما كنت اتمني تكون

معايا نتحدي الكون

لكن خوفي

والمي وحزني اد الكون

فعلا اسفه

اسفه يا حبي

اسفه يا قلبي

خايفه وخايفه

ومش بمزاجي

وادي حكاية قلبي النونو

بفرحه وحزنه

بالمه وجرحه