يارب تعجبكم يارب يا جماعة هية طويلة شوية

من طرف Reemo الخميس ديسمبر 28, 2006 6:02 pm

الاول إتنين طرش واقفين على محطة الأوتوبيس فدار بينهم هذا الحوار
التانى -الأوتوبيس ده رايح مصر الجديدة ؟؟
الاول -إيه ؟ على الحديدة ؟؟ ليه إنت طالب إحسان ؟؟
التانى-بذرة الكتان ؟تلاقيها عند العطار
الاول-الجزار ! إنت عاوز لحمة ؟؟
التانى-زحمة ؟! معلش أصل ده معاد خروج الموظفين
الاول-نور الدين ؟! معرفوش
التانى-متشربوش ؟؟ ليه كفا الله الشر
الاول-راس البر ! دا مصيف هادى
التانى-المعادى ؟؟ دى ضاحية جميلة
الاول-بليلة !!! إنت جعان
التانى-عيان ؟؟ متروح للدكتور
الاول-حنطور ؟! دى مواصلة جميلة توصلك لحاد الباب
التانى-هباب !@ و أنا إلى كنت فاكرك محترم
الاول-إتخرم ؟؟ هو مين ؟؟
التانى-أسبرين ؟؟ ليه إنت عنك صداع ؟؟
الاول-قراع ؟ دا مرض خطير
التانى-فطير ؟؟ده تقيل على المعدة و تمنه غالى
الاول-خالى ؟؟ إنت تعرفه ؟؟ دا كبير فى السن
التانى-جن ؟!#إنت راكبك عفريت !!!!
الاول -كبريت ؟ عاوز تولع ؟؟
التانى-أتدلع ؟؟؟؟!ليه مفيش حد غيرك أتدلع عليه
فمن حظهم المنيل فمر بيهم راجل شرطة لقاهم بيتخانقوا فقالهم : واقفين هنا بتعملوا إيه قالولوا : مستنيين الإوتوبيس
فقالهم : يانهاركم إسود . جواسيس ؟؟ طب تعالوا معايا على القسم